------------
ထွန်းထွန်း
------------
မြန်မာနိုင်ငံ လွတ်လပ်ရေး ရပြီးချိန်မှ စပြီး ရွေးကောက်ပွဲတိုင်းတွင် တကြိမ် တခါမျှ ဒေသ အခြေစိုက် ရခိုင် ပါတီများ မနိုင်ဘူးသော ကျောက်ဖြူမြို့နယ်တွင် ရခိုင် တိုင်းရင်း သားများ တိုးတက်ရေး ပါတီမှ ယခု ရွေးကောက်ပွဲတွင် မဲအပြတ်အသတ်ဖြင့် သမိုင်းဝင် အောင်ပွဲ ခံလိုက်ပြီ ဖြစ်ကြောင်း ပြည်သူ့ လွှတ်တော် ကိုယ်စားလှယ်လောင်း ဦးဘရှိန်က ပြောသည်။
၁၉၉၀ ခုနှစ် ရွေးကောက်ပွဲတွင် ကျောက်ဖြူမြို့နယ်တွင် အမျိုးသား ဒီမိုကရေစီ အဖွဲ့ချုပ်မှ အနိုင်ရရှိခဲ့ပြီး ရခိုင်ဒီမိုကရေစီ အဖွဲ့ချုပ်က ရှုံးနိမ့်ခဲ့သည်။
ယခု ရွေးကောက်ပွဲတွင် ရခိုင်တိုင်းရင်းသားများ တိုးတက်ရေး ပါတီမှ လွှတ်တော်နေရာ ၄ နေရာ စလုံးတွင် အနိုင်ရရှိခဲ့ဟု သူက ပြောသည်။
လက်ရှိ ရရှိသော စာရင်းအရ အမျိုးသားလွတ်တော် နေရာတွင် ဦးအုန်းတင်- ရခိုင် တိုင်းရင်း သားများ တိုးတက်ရေးပါတီမှ မဲ - ၂၀၅၈၁ ဖြင့် အနိုင်ရရှိခဲ့ပြီး ပြိုင်ဘက် ကြံ့ဖွံ့ ပါတီမှာ ဦးအောင်တင်သိန်းမှာ - မဲ ၁၇၀၇၀ ရရှိခဲ့ကာ တစည ပါတီမှ ဦးဖိုးမြတ်ဦးမှာ မဲ - ၄၉၆၀ ရရှိခဲ့သည်။
ပြည်သူ့ လွတ်တော် နေရာတွင်လည်း ဦးဘရှိန်- ရခိုင်တိုင်းရင်းသားများ တိုးတက်ရေး ပါတီ- မှ မဲ ၂၂၉၇၅ ဖြင့် အနိုင် ရရှိခဲ့ပြီး ကြံ့ဖွံ့မှ ဦးဝေခိုင်မှာ - မဲ ၁၄၆၂၆ ရရှိကာ တစညမှ ဦးစံကျော်ရွှေမှာ မဲ ၅၁၀၃ ရရှိခဲ့သည်။
ပြည်နယ်လွတ်တော် အမှတ် (၁) နေရာတွင်လည်း ဦးကျော်လွင် - ရခိုင် တိုင်းရင်းသား များ တိုးတက်ရေး ပါတီမှ မဲ- ၁၀၂၁၈ ဖြင့် အနိုင်ရရှိခဲ့ပြီး ကြံ့ဖွံ့မှ ဦးသန်းအေး မှာ မဲ - ၈၅၇၅ ရရှိကာ တစညမှ ဦးခင်ရွှေ မဲ- ၃၀၉၆ ရရှိခဲ့သည်။
အလားတူ ပြည်နယ်လွတ်တော် အမှတ် (၂) ဦးတင်ဖေ - ရခိုင်တိုင်းရင်းသာများ တိုးတက်ရေး ပါတီမှ မဲ- ၁၀၈၁၄ ဖြင့် အနိုင် ရရှိကာ ကြံ့ဖွံ့မှ ဦးနန်းအောင်ထွန်းမှ မဲ ၇၆၂၃ ရရှိကာ တစညမှ ဦးထွန်းမြတ်မှာ မဲအနည်းငယ်သာ ရရှိခဲ့ကြောင်း သိရသည်။
ရခိုင်တိုင်းရင်းသားများ တိုးတက်ရေး ပါတီကို လူငယ် အများစုက တခဲနက် မဲပေးခဲ့ကြသည်ဟု သိရသည်။
Tuesday, November 9, 2010
ကျောက်ဖြူတွင် ရခိုင်ပါတီ အောင်ပွဲခံ
11/8/2010
Subscribe to:
Post Comments (Atom)
No comments:
Post a Comment